विश्वभर २८ लाख २६ हजार बढी कोरोना संक्रमित, एक लाख ९१ हजार मृतक
प्रकाशित २०७७ वैशाख १२ शुक्रबार
111
Shares
काठमाडौं । विश्वभर कोरोना भाइरस संक्रमित को संख्या २८ लाख २६ हजार भन्दा बढी पुगेको छ । मृतकको संख्या १ लाख ९१ हजार भन्दा बढी पुगेको छ ।
सबैभन्दा बढी संक्रमित अमेरिकामा संक्रमितको संख्या ८ लाख ८६ हजार भन्दा बढी रहेको छ । मृतक ५० हजार भन्दा बढी भएका छन् ।
स्पेनमा २ लाख १३ हजार संक्रमित हुँदा मृतक २२ हजार १५७ पुगेका छन् । इटालीमा २५ हजार ५४९ जनाको ज्यान जाँदा १ लाख ९० हजार संक्रमित भएका छन् ।
फ्रान्समा १ लाख ५८ हजार १८३ जना संक्रमित भएका छन् । २१ हजार ८५६ जनाको ज्यान गएको छ । जर्मनीमा १ लाख ५३ हजार १२९ जना संक्रमित भएका छन् । ५ हजार ५७५ जनाको ज्यान गएको छ ।
बेलायतमा १ लाख ३८ हजार ७८ जना संक्रमित हुँदा १८ हजार ७३८ जनाको ज्यान गएको छ ।
कोरोनाको उद्गम देश चीनमा ८२ हजार ८०४ जना संक्रमित भएका हुन् भने ४ हजार ६३२ जनाको ज्यान गएको छ ।
