- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसको संक्रमणले अमेरिकालाई अझै छोडेको छैन । संक्रमित झन् बढ्दो अवस्थामा पुगेको छ ।
बिहीबार एकै दिन अमेरिकामा संक्रमितको संख्या ३१ हजार पुगेको छ । वल्डोमिटरका अनुसार विश्वभर नयाँ संक्रमित ८६ हजार पुग्दा ३१ हजार मात्र अमेरिकी हुन् ।
त्यसैगरी दुई हजार २०० भन्दा बढीको ज्यान गएको छ । अमेरिकी राष्ट्रपति डोनाल्ड ट्रम्पले अप्रिलका सुरुआती दुई सातामात्र कोरोनाको संक्रमण बढ्ने दावी गरेका थिए ।
मे महिना लाग्दा समेत पनि कोरोनाको प्रकोप झन् फैलदो छ । अमेरिकामा संक्रमितको संख्या १० लाख ९५ हजार भन्दा बढी भएको छ । मृतक ६३ हजार ८५६ भइसकेका छन् ।
न्यूयोर्कमा मात्रै ३ लाख १० हजार ८३९ जना संक्रमित हुँदा २३ हजार ७८० जनाको ज्यान गएको छ ।
दोस्रो प्रभावित शहर न्यूजर्सीमा १ लाख १८ हजार ६५२ जना संक्रमित हुँदा ७ हजार २२८ जनाको ज्यान गएको छ ।
ट्रम्पले गभर्नरहरुलाई लकडाउन खोल्न आग्रह गरे पनि संक्रमित नरोकिँदा त्यो चुनौती भोग्न गभर्नरहरु तयार छैनन् ।
कोरोनाको असरका कारण अमेरिकामा दशकमै आर्थिक स्थिति सबैभन्दा बढी खस्केको छ ।
पहिलो चौमासिकमा अमेरिकी अर्थतन्त्रले एक दशकभन्दा बढीको अवधिमा सबैभन्दा ठूलो संकुचन भोग्नुपरेको बताएको छ ।
लकडाउनका कारण यो स्थिति भोग्नु परेको निष्कर्ष निकालिएको हो । अमेरिकाले बुधबार सार्वजनिक गरेको तथ्यांकअनुसार विश्वको सबैभन्दा ठूलो अर्थव्यवस्था वार्षिक दर ४।८ प्रतिशतले डुबेको देखाइएको छ ।
यो संकुचनको चिन्ह सन् २०१४ पछि पहिलो पटक लागेको हो । अमेरिकी केन्द्रीय बैंकका नीति निर्माताहरुले बुधबार कोरोनाको महामारीले अमेरिका र विश्वभर जबरजस्त मानवीय र आर्थिक कठिनाई निम्त्याइरहेको बताएका छन् ।