उत्तर कोरियाका सर्वोच्च नेता किम २० दिन पछि सार्वजनिक
एएनआई
प्रकाशित २०७७ वैशाख २० शनिबार
1k
Shares
सोल। उत्तर कोरियाका सर्वोच्च नेता किम जोन उन झण्डै २० दिन पछि पहिलो पटक सार्वजनिक भएका छन्। स्वास्थ्य अवस्था विग्रिएको र गम्भीर अवस्थामा रहेको भन्ने हल्ला चरिरहेका बेला उनी शनिबार सार्वजनिक भएका हुन्।
दक्षिण कोरियाको राज्यद्वारा सञ्चालित योन्हाप समाचार संस्थाका अनुसार उनी यसअघि गत अप्रिल ११ तारिखदेखि सार्वजनिक भएका थिएनन्। उनी दक्षिणी प्योङगान प्रान्तको सुन्चोनमा भएको एक कार्यक्रममा सहभागी भएका थिए। यो बीचमा दक्षिण कोरियाका अधिकारीहरुले किम गम्भीर विरामी भएको दाबी गरेको समाचारहरु पटक पटक सार्वजनिक भएका थिए।
उनका आफ्ना हजुरबुवाको जम्मोत्सव समरोहमा उनको अनुपस्थितिलाई आधार मानेर उनलाई अस्वस्थ भएको दावी गरिएको थियो। उनको स्वास्थ्यको विषयमा अमेरिकी राष्ट्रपति डोनाल्ड ट्रम्पले पनि पटक पटक प्रतिक्रिया दिदै चासो देखाएका थिए ।
