-
-
-
-
काठमाडौं । भारतमा अहिलेसम्मकै बढी कोरोना भाइरसका संक्रमित थपिएका छन् । शनिबार पछिल्लो २४ घण्टामा २० हजार १३२ जना कोरोना संक्रमित थपिएका छन् । यो अहिलेसम्मकै बढी हो ।
यसअघि शुक्रबार १८ हजार २७६ जना थपिएका थिए । विश्वकै चौथो स्थानमा रहेको भारतमा अहिलेसम्म ५ लाख २९ हजार ५७७ संक्रमित पुगेका छन् ।
निको हुनेहरु शनिबार १४ हजार २२९ जना रहेका छन् । अहिलेसम्म ३ लाख १० हजार १४६ जनालाई निको भएको छ ।
सक्रिय संक्रमित भन्दा निको हुनेको संख्या निकै नै बढी रहेको छ ।
शनिबार ४१४ जनाको ज्यान गएको छ । ज्यान जानेको संख्या १६ हजार १०३ पुगेको छ ।
सबैभन्दा बढी प्रभावित महाराष्ट्र रहेको छ । पछिल्लो २४ घण्टामा ६ हजार ३६८ जना संक्रमित थपिएका छन् । अहिलेसम्म १ लाख ५९ हजार १३३ पुगेका छन् । मृतक १६७ थपिएर ७ हजार २७३ पुगेका छन् ।
दिल्लीमा २ हजार ९४८ जना थपिएका छन् भने मृतक ६६ थपिएका छन् ।
तमिलनाडुमा ३ हजार ७१३ थपिएका छन् भने मृतक ६८ थपिएका छन् ।
