-
-
-
-
काठमाडौं । चीनबाट फैलिन सुरु भएको कोरोना भाइरस (कोभिड–१९) ले विश्वभरमै ठूलो संकट निम्याएको छ । यो संकट समाधान हुन वर्षौं लाग्ने दावी गरिएको छ ।
हाल विश्वमा एक करोड ६२ हजार ३२६ जनालाई संक्रमण भएको छ । ६ लाख ४८ हजार ४४० जनाको ज्यान गएको छ । ९९ लाख १३ हजार ७२ जनालाई निको भएको छ ।
चीनमा कोरोना निर्मुल भएको दावी गरिएको थियो । तर पछिल्लो समय निरन्तर संक्रमितहरु थपिँदै गएका छन् ।
अहिलेसम्म ८३ हजार ८३० जना संक्रमित भएका छन् । ४ हजार ६३४ जनाको ज्यान गएको छ । निको हुनेको संख्या ७८ हजार ९०८ रहेको छ ।
हाल भने मात्र २८८ जना संक्रमित रहेका छन् । जसमा २८२ जनाको अवस्था सामान्य छ भने ६ जना गम्भीर छन् ।
चीनमा कोरोनाले ९४ प्रतिशतलाई निको भएको छ भने ६ प्रतिशतको ज्यान गएको छ ।
एक हप्तामा कति बढे ?
कोरोना संक्रमितहरु चीनमा थपिँदै गएका छन् । आइतबार (२६ जुलाई) मा ४६ जना नयाँ संक्रमित थपिएका छन् ।
शनिबार (२५ जुलाई) मा ३४ जना थपिएका थिए । शुक्रबार (२४ जुलाई) मा २१ जना थपिएका थिए ।
२३ जुलाईमा २२ जना थपिएका थिए । २२ जुलाईमा १४ जना, २१ जुलाईमा ११ र २० जुलाईमा २२ जना थपिएका थिए ।
