काठमाडौं। डिस होमले आफ्ना ग्राहकलाई थप सेवा र सुविधा प्रदान गर्ने उद्देश्यले ‘डिस होममा डिलर दाईको डिस्काउण्ट अफर’ सञ्चालन गरिरहेको छ। उक्त अफरलाई डिसहोमले दशैंको उपलक्ष्यमा पनि निरन्तरता दिँदै २४ महिना रिचार्जमा डबल धमाका अफर सञ्चालन गर्ने भएको हो। उक्त अफरमा ग्राहकले डिलर दाईमार्फत फण्ड ट्रान्सफरबाट वार्षिक रिचार्ज भन्दा साप्ताहिक लक्कीड्रमा भाग लिने अवसर प्राप्त गर्ने डिस होमले जानकारी दिएको छ।
दुई वर्षे रिचार्जमा साप्ताहिक लक्कीड्रमार्फत डबल मौका प्राप्त गर्न सक्ने डिसहोमले जनाएको छ। अफर अन्तर्गत सातामा दुई जना भाग्यशाली ग्राहकहरुले प्रतिव्यक्ति एक-एक लाख नगद उपहार जित्न सक्नेछन्। साप्ताहिक लक्कीड्रका बिजेताको घोषणा डिजिटल प्रणालीबाट ग्राहकहरुको डिशहोम सेट–टप बक्सको क्यास आइडीका आधारमा गरिनेछ। हरेक साता शुक्रबार साँझ ५ बजे डिशहोमको शो केस च्यानल नम्बर १०० र रमाइलो टिभीमा लक्कीड्रको प्रत्यक्ष प्रसारण हुनेछ।
अनलाइनमार्फत पाँच हजार वा सो भन्दामाथि रिचार्ज गर्ने ग्राहकलाई पनि यो अफरमा सहभागी गराईने डिसहोमले जनाएको छ। फण्ड ट्रान्सफरबारे जानकारीका लागि देशभर रहेका डिशहोम बिक्रेता, नजिकैको डिलर वा डिशहोमको ग्राहक सेवा केन्द्रमा सम्पर्क गर्न सकिनेछ।
