काठमाडौं । भारतमा कोरोना भाइरसका सक्रिय संक्रमित घट्दै गएका छन् । हाल ३ लाख ७३ हजार ६२२ जना संक्रमित सक्रिय रहेका छन् । सेप्टेम्बरमा १० लाख २० हजार सक्रिय संक्रमित रहेकामा भारतले नियन्त्रणतिर लगेको हो ।
अहिलेसम्म ९७ लाख ६२ हजार ३२६ जना संक्रमित भएका छन् । बुधबार २६ हजार ३०९ जना संक्रमित थपिएका छन् । बुधबार २९ हजार ६०५ जना कोरोनामुक्त भए । अहिलेसम्म ९२ लाख ४४ हजार ५०५ जना कोरोनामुक्त भएका छन् ।
बुधबार ३३७ जनाको ज्यान गएको छ । अहिलेसम्म कोरोनाबाट ज्यान गुमाउने १ लाख ४१ हजार ७३५ जना पुगेका छन् । बुधबार सबैभन्दा बढी ७५ जनाको ज्यान महाराष्ट्रमा गएको छ । दिल्लीमा ५० जनाको ज्यान गयो ।
संक्रमित केरलामा ४ हजार ८७५ जना, महाराष्ट्रमा ४ हजार ९८१ तथा दिल्लीमा २ हजार ४६३ जना थपिएका छन् । नेपालसँग सीमा जोडिएको बिहार राज्यमा ६९० जना संक्रमित थपिएका छन् । ३ जनाको मात्र ज्यान गयो ।
