-
-
-
-
पोखरा। पोखराका चर्चित गायक धनबहादुर गायकको निधन भएको छ । उनको सोमबार बिहान ७ बजे निधन भएको हो ।
दुई दिन अघि गायकको स्वास्थ्यमा समस्या देखिएपछि मणिपाल शिक्षण अस्पतालमा भर्ना गरिएको थियो । गायकको उपचारको क्रममा सोमबार विहान मनिपाल अस्पताल मै निधन भएको हो ।
परिवारजनका अनुसार उच्च रक्तचापबाट पीडित बनेका उनको टाउकोमा रगत जमेको थियो । बाटुलेचौर निवासी गायकका ‘यो दाजुको मिरमिरे आँखा…’, ‘बेली र चमेली…’ जस्ता गीत लोकप्रिय छन् ।
गायकका श्रीमती श्रीकला, दुई छोरा दीलिप र संगीत एवं छोरी नीशा रहेका छन् । स्व. गायकको क्रिश्चियन धर्म संस्कार अनुसार आजै अन्त्येष्टि गरिने परिवारजनले जनाएको छ ।
