शुद्धोधनमा तेस्रो राष्ट्रपति रनिङ्शिल्ड प्रतियोगिता सुरु

प्रकाशित २०७७ फागुन २० बिहिबार

कपिलवस्तु । स्वास्थ्यका लागि खेलकुद राष्ट्रका लागि खेलकुद भन्ने नाराका साथ शुद्धोधन गाउँपालिकामा तेस्रो राष्ट्रपति रनिङ्शिल्ड प्रतियोगिता सुरु भएको छ । वडा नं २ को बरगदवामा रहेको खेल मैदानमा खेल प्रतियोगिता उद्घाटन गरिएको छ ।

कार्यक्रममा बोल्दै गाउँपालिकाका अध्यक्ष निसार अहमद खांले खेलकुदको माध्यमबाट विद्यार्थीहरूको चौतर्फी विकास हुने हुँदा गाउँपालिकाका यस्ता कार्यक्रमलाई निरन्तरता दिएको बताए ।

३ दिन सम्म चल्ने खेलमा भलिबल,कबड्डी एथलेटिक्स लगायता खेल हुनेछन् । खेला उत्कृष्ट खेलाडी र विद्यालयलाई पुरस्कार प्रमाणपत्र र मेडल प्रदान गरिने प्रमुख प्रशासकीय अधिकृत कृष्ण प्रसाद ज्ञवालीले बताए ।

उद्घाटन समारोहमा वडा नं २ का अध्यक्ष मनोज कुमार यादव,३ नं का महिवुद्धिन मुसलमान , वडा नं ६ का अध्यक्ष विजय बहादुर यादव, लेखा अधिकृत ऋषिदेव अर्याल, शिक्षा अधिकृत धनी प्रसाद शर्मा, प्रशासन प्रमुद ईश्वरी प्रसाद न्यौपाने लगायतको सहभागिता रहेको थियो ।

प्रतियोगिताको प्राविधिक व्यवस्था जिल्ला खेलकुद विकास समितिले गरेको छ । प्रतियोगिता गाउँपालिका क्षेत्रका ८ विद्यालयहरू सहभागी भएका छन् ।