अबुधाबी ,युएई। गैह्रआवसिय नेपाली संघ (एनआरएन) युएईले अबुधाबी को रिम आइस लेन्ड को जिलैंड मजदुर क्याम्पमा रहेका ताज्बीर कम्पनी का मुस्लिम धर्मावलम्बी कामदारहरुलाई ईफ्तार वितरण गरेर रमदान पर्वको शुभकामना दिएको छ ।
गैह्र आवसिय नेपाली संघ युएई र अबुधाबी क्षेत्रीय समिती को टोलि शुक्रवार अबुधाबी को रिम आइस लेन्ड को ताज्बीर कम्पनीको लेबर क्याम्प पुगेर त्यहाँ रहेका २ सय ५ जाना मुस्लिम कामदारलाई रमदानको शुभकामना दिंदै ईफ्तार वितरण गरेको हो ।
एनआरएनको टोलिले मजदुर क्याम्प पुगेर त्यहाँ रहेका भारतिय , पाकिस्तानी , बंगाली र नेपाली मुस्लिम धर्मावलम्बी कामदारहरुलाई बृयानी , पानी , फलफुल लगायतका खाद्यन्न तथा टोपी वितरण गरेको एनआरएनले जनाएको छ ।
कार्यक्रममा एनआरएन युएईका उपाध्यक्षद्वय रबि रमण अधिकारि ,महासचिब दिपक खड्का , कोषाध्यक्ष सुर्य बस्नेत ,केन्द्रीय सदस्य -ऋषि बस्याल , भोजराज फुयाल ,निर्मल पोख्रेल र अबुधाबी क्षेत्रीय अध्यक्ष-तोरण सुबेदी ,केशब खड्का लगायतको उपस्थिति रहेको थियो ।
कार्यक्रममा सहभागी मुस्लिम धर्मावलम्बीहरुले प्रदेशमा यसरी आफ्नो धार्मिक पर्व र संस्कारहरुको सम्मान गरेकोमा एनआरएनलाई धन्यवाद व्यक्त गरेका थिए ।यसरी फरक धार्मिक समुदायको धार्मिक पर्वमा कार्यक्रम आयोजना गर्दा उनिहरुको धार्मिक संस्कारलाई नजिकबाट बुझ्न पाएको र आनन्द महसुस भएको कार्यक्रममा सहभागी एनआरएन युएईका साथीहरुले बताए ।