काठमाडौं। ईटलीलाई टाईब्रेकरमा हराउँदै जर्मनी युरो २०१६को सेमीफाईनल प्रवेश गरेको छ। निर्धारित समयको खेल १-१मा सकिएपछि भएको टाईब्रेकरमा ६-५ले जर्मनी बिजयी भएको हो।
खेलको ६५औं मिनेटमा मेसुट ओजीलले गोल गर्दै जर्मनीलाई अग्रता दिलाएका थिए। ७८औं मिनेटमा जर्मनीका खेलाडी बोएटिङले डि-एरिया भित्र हातले बल रोकेपछि पाएको पेनाल्टीलाई लियोनार्डो बोनुचीले गोल गर्दै खेल १-१को बराबरीमा ल्याएका थिए।
निर्धारित ९० मिनेटको खेलमा नतिजा ननिस्केपछि थपिएको ३० मिनेटको खेलमा पनि थप गोल हुन सकेन र खेल पेनाल्टी शुटआउटमा पुगेको थियो।
दुवै टोलीले ९-९ पेनाल्टी प्रहार गरेका थिए। जर्मनीका तरफबाट थोमस मुलर, मेसुट ओजिल, बास्टियन स्वेन्सटाईगरले गोल गर्न सकेका थिएनन् भने ईटलीको तर्फबाट सिमोनी जाजा, ग्राजियानो पेल्ले, लियोनार्डो बोनुची र माटेओ डार्मियनले गोल गर्न सकेका थिएनन्।
क्वार्टरफाईनलको अन्तिम खेल आयोजक फ्रान्स र आईसल्याण्ड बिच हुनेछ। दुई टोलीको बिजेतासँग जर्मनीले सेमीफाईनलमा खेल्ने छ।
