नयाँ दिल्ली। अफगानिस्तानमा तालिबानलाई समर्थन गर्ने र हस्तक्षेप गर्ने सम्बन्धमा पाकिस्तानको भूमिकाको आलोचना भएको छ। भारतीय विदेश मन्त्री एस जयशंकर र अफगानिस्तानका राष्ट्रिय सुरक्षा सल्लाहकार हमदुल्लाह मोहिबले युद्धग्रस्त देशमा बनेका प्रजातान्त्रिक र संवैधानिक संरचना जोगाउन लागिरहेको शक्तिहरूलाई पाकिस्तानले कमजोर पार्ने गतिविधि गिरहेको बताएका छन्।

पाकिस्तानको नाम उच्चारण नगरेरै भारतीय विदेश मन्त्री जयशंकर र एनएसए मोहिबले रायसिना संवाद अन्तर्गत भर्चुअल छलफलमा भाग लिँदा अफगानिस्तानका “छिमेकी” को नकारात्मक भूमिकालाई औँल्याएका हुन्। यद्यपि तिनीहरूको टिप्पणीले कसैलाई पनि कुन देशको बारेमा कुरा गरिरहेको छ भनेर भने सोधेनन्।

इरानी विदेश मन्त्री जावद जरीफले पनि उक्त छलफलमा भाग लिएका थिए। उनीहरूले शान्ति र स्थिर अफगानिस्तानको सुनिश्चितताका लागि वार्तामा सहभागी हुन तालिवानलाई आग्रह गरेका हुन्।

जयशंकरले हजारौँ विदेशी लडाकु अझै अफगानिस्तानमा रहेको र सबै सरोकारवालाहरूले दिगो शान्ति सुनिश्चित गर्न निष्पक्ष र बृहत् प्रक्रियामा जानुपर्नेमा जोड दिएका छन्। अफगानिस्तानमा भएका प्रस्तावलाई सबै छिमेकीहरूले समर्थन गरेको हुनुपर्दछ र पूर्ण रूपमा “त्यस समाजका सबभन्दा बलिया व्यक्तिहरूको इच्छा” मा आधारित हुन नसक्ने पनि उनले बताए।

अफगानिस्तानका छिमेकीहरूले दुर्भाग्यवश धेरै नै नकारात्मक भूमिका खेल्छन्। छिमेकीहरूले पनि अफगानिस्तान छोड्नुपर्छ र अफगान जनतालाई उनीहरूको हितमा काम गर्न दिनुपर्छ, उनले भने।

जयशंकरले विदेशी लडाकुहरूको उपस्थितिको टिप्पणीलाई समर्थन गर्दै मोहिबले भने, “यो अफगानिस्तानबाट विदेशी सेनाको वापसी मात्र होइन, अफगानिस्तानबाट विदेशी लडाकुहरूको पनि फिर्ता हुनु पर्छ।

जसले तालिबानीसँग मिलेर नजिकबाट काम गरिरहेका छन् र विनाशकारी गतिविधिमा संलग्न रहेका छन्। हाम्रो देशलाई छिमेकीका गतिविधिबाट पनि खतरा रहनेछ।"

उनले छिमेकी देशसँग तालिवानको सम्बन्धको बारेमा लगाइएको सबै कुरा स्पष्ट वास्तविकता बनेको उल्लेख गर्दै कयौँ आक्रमणहरूमा संलग्न तालिबानी लडाकुहरूको साथबाट पाकिस्तानी परिचय फेला परेकोसमेत बताए।

“कुनै पनि थप धक्काको अर्थ यो हुनेछ कि अफगानिस्तानमा छिमेकीको प्रत्यक्ष संलग्नता छ, जुन धेरै खतरनाक हुन सक्छ। अफगानिस्तानका राष्ट्रवादी सेनाहरू यसका लागि अत्यन्त चिन्तित र क्रोधित छन्। यदि यो सीमा पार भयो भने मलाई लाग्छ उक्त छिमेकीलाई उनीहरूको देशमा अफगानिस्तान र अफगानिस्तानबाट आएका सबै अपगानाहरूले ठुलो समस्या भोग्नुपर्नेछ, ”मोहिबले भने।

अमेरिकी राष्ट्रपति जो बाइडेनले सेप्टेम्बरसम्म अफगानिस्तानबाट सबै अमेरिकी सेना फिर्ता लिने घोषणा गरिसकेपछि यस्तो छलफल भएको हिन्दुस्तान टाइम्सले लेखेको छ।