काठमाडौं । वर्षातले पहिरोको उच्च जोखिममा रहेको सिन्धुपाल्चोकमा फेरि भूकम्पको पराकम्पन आएको छ ।
विहिबार बेलुकी ५ः३८ बजे हाडी खोला नजिकै रहेका बाछाला देवी मन्दिर आसपास केन्द्रविन्दु भएर ४ दशमलव ४ रेक्टर स्केलको पराकम्पन आएको राष्ट्रिय भूकम्प मापन केन्द्रले जनाएको छ । पराकम्पनको झट्का काठमाडौं सम्म महसूस भएको थियो ।
यसअघि विहिबार दिउँसो लम्जुङको घनपोखरा र भुलभुलेको बीचमा केन्द्रविन्दु भएर ४ दशमलव ३ रेक्टर स्केलको पराकम्पन आएको थियो ।
