बंगलादेशविरुद्ध खेल्ने फुटबल टोली तयार, कप्तान घोषणा हुन बाँकी

प्रकाशित २०७३ असार २४ शुक्रबार

काठमाडौं । बङ्गलादेशविरुद्धको मैत्रीपूर्ण फुटबलका लागि २१ सदस्यीय नेपाली टोली घोषणा भएको छ । आउँदो शुक्रबार र आइतबार बंगलादेशको ढाकामा हुने मैत्रीपूर्ण खेलका लागि २१ सदस्यीय अन्तिम टोली घोषणा भएको हो ।

टोलीको कप्तान घोषणा हुन भने बाँकी रहेको अखिल नेपाल फुटबल संघ एन्फाका प्रमुख कार्यकारी इन्द्रमान तुलाधरले जानकारी दिए । उनले भने, ‘हालसम्म कप्तान को भन्ने तोकिएको छैन । अनिल सिनियर हो, उसैले जिम्मेवारी पाउँछ होला ।’ खेल तय भएपनि ढाकाको कुन स्टेडियममा हुने भन्ने तय भएको छैन ।

नेपाली टोलीका सिनियर खेलाडी अनिल गुरुङले अफिसियल रुपमा आफुलाई जिम्मेवारी भएपनि अहिले सम्म कप्तान घोषणा नभएको बताए । हाम्राकुरासंग उनले भने, ‘हाल सम्म औपचारिक रुपमा जिम्मेवारी दिइएको छैन । हामी २९ गते बंगलादेश जाने छौं । असार ३१ र साउन २ गते खेल छ ।’ अनिलले गत जेठमा लाओस संगको मैत्रीपूर्ण खेलमा खेल्न नसकेपछि विराज महर्जनले खेल सम्हालेका थिए । अनिल अस्वस्थ भएका कारण खेल्न सकेका थिएनन् । खेल १–१ को बराबरीमा सकिएको थियो । त्यसअघि मलेसियाको ओलम्पिक टोलीसंग समेत नेपालले १–१ को बराबरी खेलेको थियो ।

करिब १ महिना सम्म चलेको अभ्यासबाट ३ गोलकिपर, ९ डिफेन्डर, ५ मिल्डफिल्डर र ४ फरवार्ड गरि कुल २१ सदस्य टोली बनेको छ । नेपाली टोलीका मुख्य प्रशिक्षक ग्यातुको कोजीले टोली सशक्त बन्दै गएको बताएका छन. । कोजी आएको पहिलो अन्तर्राष्ट्रिय मैत्रीपूर्ण खेलमै नेपालले सम्मानजनक प्रर्शन गरेको थियो । बंगलादेशमा हुने १२ औं साफ च्याम्पियनसिप अघि कुनै अन्तर्राष्टिय प्रतियोगिता खेल्ने तालिका नभएपछि टोलीलाई अभ्यस्त राख्न मैत्रीपूर्ण खेलको व्यवस्था गरिएको एन्फाले जनाएको छ ।

टोलीमा को–को छन् ?

गोल किपर

किरन कुमार लिम्बू

विकेस कुत्थु

विशाल श्रेष्ठ

डिफेन्डर

बिराज महर्जन

दिनेश राजवंशी

अन्नत तामाङ

आदित्य चौधरी

जितेन्द्र कार्की

देवेन्द्र तामाङ