arrow

सांसदका प्रश्नको जवाफ दिँदै मन्त्रीहरु

logo
प्रकाशित २०७३ असार २४ शुक्रबार
Samsad-bhawan2.jpg.jpeg
काठमाडौँ । विनियोजन विधेयकअन्तर्गत ऊर्जा मन्त्रालयको बजेटमाथिको छलफलका क्रममा सांसदले उठाएका जिज्ञासाको जवाफ दिँदै उपप्रधानमन्त्री एवम् ऊर्जामन्त्री टोपबहादुर रायमाझीले ऊर्जा सङ्कट निवारण र ऊर्जा उत्पादनका लागि दीर्घकालीन योजना अघि सारिएको बताएका छन् । 
 
उनले दुई वर्षभित्र मुलुकमा शतप्रतिशत ‘लोडसेडिङ’ हटाउँदै ऊर्जा सङ्कट टार्न वैकल्पिक ऊर्जा उत्पादन र विद्युत् आयात गरिएको बताए । मन्त्रालयले बग्ने नदीमा भन्दा पनि सङ्कलित पानीमा आधारित जलविद्युत् आयोजनालाई प्राथकिकतामा राखेको बताउँदै उनले सञ्चालनमा रहेका ठूला आयोजनाको निर्माणलाई तीव्रता दिएको उल्लेख गरे । 
 
मन्त्रालयले दश वर्षमा १० हजार मेघावाट विद्युत् उत्पादन गर्ने उद्देश्य राखी कामअघि बढाएको बताउँदै उनले तत्काल ऊर्जा सङ्कट टार्न भारतबाट विद्युत् ल्याइने र पछि बढी उत्पादन भएको विद्युत् त्यही बाटोबाट निर्यात गरिने बताए । 
 
उपप्रधानमन्त्री रायमाझीले राष्ट्रिय गौरवका बूढीगण्डकी जलविद्युत् आयोजनालाई विद्युत् उत्पादनका साथै पर्यटन दृष्टिले समेत महत्वपूर्ण भएको बताउँदै जग्गा अधिग्रहण कार्य भइरहेको जानकारी दिए । 
 
वन तथा भू–संरक्षण मन्त्रीको जवाफ 
 
विनियोजन विधेयकअन्तर्गत वन तथा भू–संरक्षण मन्त्रालयको बजेटमाथिको छलफलका क्रममा सांसदले उठाएका जिज्ञासाको जवाफ दिँदै वनमन्त्री अग्निप्रसाद सापकोटाले वैज्ञानिक वन व्यवस्थापन प्रभावकारी रुपमा लागू गरी काठको आपूर्ति बढाइने र वनको अवस्थामा सुधार ल्याइने बताए । 
 
उनले वनको वैज्ञानिक व्यवस्थापनबाट काठको आपूर्ति बढाइ भूकम्पपीडितलाई घर निर्माणमा सहुलियतमा काठ उपलब्ध गराइने र विदेशबाट आयातित काठ विस्थापन गरिने बताए । 
 
वनबाट पाइने सेवालाई दिगो बनाइनुका साथै रुपमा वनमा रहेका बुढारुखको कटान तथा वृक्षारोपण गरिने उल्लेख गर्दै उनले वन डढेलो रोकथाममा लाग्ने व्यक्तिलाई पुरस्किृत गरिने जनकारी दिए  । 
 
तराई– मधेसका लागि पानीको मुहान र वातावरणका क्षेत्रका लागि महत्वपूर्ण वन क्षेत्रका रुपमा रहेको तराई चुरे क्षेत्रका व्यवस्थापनका लागि गुरुयोजना तयार भएको बताउँदै उनले अतिक्रमित वनक्षेत्र कुनै पनि हालतमा खाली गराइ वन क्षेत्रको संरक्षण गर्न मन्त्रालय लागेको स्पष्ट पारे । 
 
मन्त्री सापकोटाले राजधानीको जनसङ्ख्यालाई मध्यनजर गरी भक्तपुरमा बहुआयामिक नमुना प्राणी उद्यान बनाउने कार्यको सुरुवात गरिएको बताए ।  
 



लोकप्रिय समाचार
लोकप्रिय समाचार
नयाँ