एजेन्सी। स्पेन स्थित मड्रिडको न्यायलयले ब्राजिलियन एवं बार्सिलोनका स्टार खेलाडी नेयमार बिरुद्ध आर्थिक अनियमितताको आरोपलाई खारेज गरेको छ।
ब्राजिलियन लगानीकर्ता समुह 'डिआइएस'ले नेयमार , उनका पिता एवं बार्सिलोना बिरुद्ध आर्थिक अनियमितता गरेको भनदै उजुरी गरेको थियो।
सन् २०१३मा ब्राजिलको क्लब सान्तोसबाट बार्सिलोना जाँदा पाउनु पर्ने ४०% रकम पाए पनि नेयमारसँगको समझौता गोप्य राखिएकोले पुरा पैसा नपाएको भन्दै उजुरी गरेको थियो। गोप्य समझौतामा बढी रकमको गरिएको उजुरी उक्त समुहले गरेको थियो।
नेयमार सान्तोसबाट बार्सिलोना आउँदा ४ करोड ४७ लाख पाउण्डको करार गरिएकोमा नेयमारका पिताको कम्पनीले ३ करोड १० लाख पाउण्ड र सान्तो क्लबले १ करोड ३४ लाख पाउण्ड पाएका थिए।
नेयमार, उनका पिता र बार्सिलोनाले गत फेब्रुअरी महिनामा अदालतमा उपस्थित हुँदै कुनै अनियमितता नगरेको बताएका थिए।
नेयमार र बार्सिलोनालाई अदालतको आदेश पछि केही राहात मिलेको छ। बार्सिलोनाका अर्का स्टार लियनल मेस्सीले कर छलीको आरोपमा १ करोड ७० लाख पाउण्ड जरिवाना र २१ महिनाको जेल सजाए पाएका छन्।
संभवत: मेसीले जेल सजाए भने भुक्तान गर्नु पर्ने छैन्। मेसीले उपल्लो अदालतमा आफु बिरुद्धको निर्णय उपर उजुरी गरिसकेका छन्।
