वासिङ्टन (संयक्त राज्य अमेरिकी) । संयुक्त राज्य अमेरिकाले आफ्ना नागरिकलाई टर्की भ्रमणमा नजान निर्देशन गरेको छ ।
अमेरिकाले टर्कीमा शुक्रबार राति गरिएको असफल सैनिक विद्रोही “कू” को पृष्ठभूमिमा आफ्ना नागरिक माथि टर्कीमा आतङ्कारी समूहको खतरा रहेको बताउँदै टर्र्कीमा रहेको नागरिकलाई त्यहाँबाट बाहिर जान र जाने तयारी गरेकाहरुलाई भ्रमण रद्ध गर्न एक विज्ञप्ती जारी गरी आग्रंह गरिएको छ ।
टर्कीमा भएको असफल सैनिक विद्रोहमा अहिलेसम्म २६५ जनाको ज्यान गइसकेको छ । कैयौँ नागरिक गम्भीर अवस्थामा उपचाररत रहेकोले मृतक सङ्ख्या यसभन्दा बढी पुग्न सक्ने बताइएको छ ।
घटनामा करिव १५ सय मानिस घाइते भएको बताइएको छ । टर्कीको एर्डोगान समर्थक सरकारले असफल “कू” प्रयासमा संलग्न भएको आरोपमा करिव तीन जहार सेनालाई सुरक्षा नियन्त्रणमा लिएको छ ।एएफपी
