काठमाडौं । काठमाडौंको डल्लुमा एक विद्यालयको बसमा अज्ञात समूहले आगजनी गरेको छ । विद्यार्थी बोकेको आइडल मोडलको बसबाट विद्यार्थी ओरालेर आगजनी भएको प्रहरीले जनाएको छ ।
बा २ क ४६९ नम्बरको बसमा तीन जनाको अज्ञात समूहले आगजनी गरेको जनाइएको छ । आगजनीबाट बस पूर्ण रुपमा जलेको छ ।
बिहान ६.३० बजे अज्ञात समूहले पेट्रोल छर्केर आगजनी भएको हो ।
घटनाको जिम्मा कसैले लिएको छैन ।
त्यस्तै प्रहरीले कसैलाई पनि अहिलेसम्म पक्राउ गर्न सकेको छैन ।