काठमाडौं । राजधानी भित्रिने तथा बाहिरिने मुख्य ‘नारायणगढ–मुग्लिन’ सडक खण्ड दुईतर्फी संचालनमा आएको छ । सो सडक खण्ड अन्तर्गत पर्ने चारकिलोमा ५० मिटरको डाँडो नै खसेपछि बिहान साढे ५ बजेदेखि बाटो पूर्ण रुपमा अवरुद्ध भएको थियो ।
तीन वटा स्काभेटरले १३ घण्टा काम गरेपछि साँझ साढे ६ बजे बाटो दुईतर्फी संचालनमा आएको चितवन प्रहरीले जनाएको छ ।
फेरि पनि पानी पर्ने क्रम नरोकिएकाले बाटो लामो समय संचालन हुनेमा शंका रहेको प्रहरीको भनाई छ । बाटो अवरुद्ध भएपछि लामो दुरीका सवारी साधनको लाम लागेको थियो । छोटो दुरीका केही सवारी साधनलाई वैकल्पिक बाटो अपनाइएपनि लामो दुरीका सवारी साधन भने निकै घण्टा बाटोमै रहे ।
