नयाँ दिल्ली । भारत सरकारले चीनका तीन पत्रकारलाई देश छाड्न आदेश दिएको छ । चीनको सरकारी समाचार एजेन्सी सिन्ह्वाका तीन पत्रकारलाई एक हप्ताभित्र देश छाड्न आदेश दिएको हो ।
सरकारले तिनीहरुको भिसा बढाउन अश्वीकार गरेसंगै आगामी आइतबारसम्म उनीहरुले भारत छाड्नु पर्ने भएको हो । भारतले उनीहरुलाई चीन फिर्ता जान दिएको आदेशको कारण भने बताएको छैन ।
भारतले पहिलो पटक यस किसिमको कदम उठाएको भारतीय संचार माध्यमले जनाएका छन् । यी तीन जनाले विभिन्न संदिग्ध गतिविधिमा सहभागीता जनाएको बताइन्छ ।
यो कदमसंगै भारत र चीनबीच चिसोपना बढ्न सक्ने आँकलन गरिएको छ ।
भारत छाड्ने आदेश पाएका पत्रकारहरुमा वाउ कियाङ्ग, लु ताङ्ग र योगाङ्ग हुन् ।
यिनीहरु फर्किएपछि सिन्ह्वाले अरुलाई नयाँ नियुक्ति दिनसक्ने भारतले जनाएको छ ।
