बुटवल । बुटवलको तिनाउ नदीमा रहेको झोलुङ्गे पुल बाढीले बगाएको छ । बुटवल उपमहानगरपालिका –१३ देवीनगर- वुद्धनगर जाेड्ने झोलुङगे पुल अत्यधिक बाढीका कारण जग नै भत्किएपछि खोलाले बगाएको प्रहरीले जनाएको छ ।
सो पुलले देवीनगर र वुद्धनगरलाई जोडेको थियो । पुल बगाउँदा मानवीय क्षति नभएपनि हेर्न जम्मा भएको भिड हटाउने क्रममा एक प्रहरी घाइते भएको जिल्ला प्रहरी कार्यालय बुटवलले जनाएको छ । पुल बगाएको हेर्न स्थानीयको भीड लागेको थियो ।
अब वुद्धनगर र देवीनगरका स्थानीयले लामो घुमाउरो बाटो हुँदै आवत-जावत गर्नु पर्ने छ ।
