पाँचथर । अविरलको वर्षासँगै सडकमा झरेको ढुंगा र पहिरोका कारण तीन दिनदेखि अबरुद्ध मध्यपहाडी पुष्लोकमार्गको पाँचथर र तेह्रथुम खण्ड अझै खुल्न नसक्दा यात्रीहरु मर्कोमा परेका छन् ।
अविरल वर्षासँगै पाँचथरको फिदिम ५ सरखण्डे क्षेत्रमा मात्रै आधा दर्जनभन्दा बढी स्थानमा पहिरो गएकोले पहिरो पन्छाउन समय लागेको जिल्ला प्रहरी कार्यालय पाँचथरका प्रहरी नावय उपरिक्षक कृष्ण प्रसाद कोइरालाले जानकारी दिए ।
पहिरो गएर सडक अवरुद्ध भएपछि तेह्रथुमको आठराई क्षेत्रका चुहानडाँडा र संक्रान्ती बजारबाट पाँचथरको सदरमुकाम फिदिम हुँदै ईलाम र झापाको विर्तामोडतर्फ हिँडेका यात्रीहरु बाटोमै अलपत्र परेका छन् भने कोही पैदल यात्रा हिडेर फिदिमसम्म आइपुगेका छन् ।
च्याङथापु र ओयाम क्षेत्रमा पनि दर्जनभन्दा धेरै स्थानमा पहिरो र ढिस्कोले बाटो अवरुद्ध गराएको प्रहरीको भनाइ छ । पहिरो पन्छाउन प्रहरी सहितटोलि परिचालन भए पनि ठूला ढुङ्गा झरेकाले पन्छाउन समय लागेको प्रनाउ कोईरालाले बताए ।
