- सुन चाँदी दर
- विनिमय दर
- नेपाली पात्रो
- राशिफल
प्रधानमन्त्रीमा निर्वाचित भएपछि दाहाल संसद भवनबाट हात हल्लाउँदै बाहिरिएका छन् । उता, निवर्तमान प्रधानमन्त्री केपी शर्मा ओली संसद भवनबाट निस्केर निजी निवास बालुवाटार तर्फ लागेका छन् । उनलाई मोटरसाइलल र्यालीले स्वागत गरेको छ । 16:07:42
यस्तै, निवर्तमान उपप्रधानमन्त्री कमल थापाले तीन बुँदे सहमति पहिलेकै सरकारले गरेको कामका आधारमा आएको भन्दै यो ओली सरकारको सफलता भएको बताए । 16:04:55
दाहाल प्रधानमन्त्रीमा निर्वाचित भएपछि पत्रकारसंग संक्षिप्त प्रतिक्रिया दिँदै निवर्तमान प्रधानमन्त्री केपी शर्मा ओलीले दाहालले आफुले उठाएका सकै मुद्दाहरु कार्यान्वयन गर्ने विश्वास व्यक्त गरे । 16:02:08
नवनिर्वाचित प्रधानमन्त्री दाहाललाई बधाई दिनेहरुको ओइरो लागेको छ । 15:58:45
पुष्पकमल दाहाल नेपालको ३९ औं प्रधानमन्त्रीमा निर्वाचित 15:55:56
जम्मा मत संख्या ५ सय ७३ दाहालको पक्षमा ३ सय ६३ विपक्षमा २ सय १० मत परेको छ । 15:40:39
मत गणना हुँदै । 15:34:01
प्रचण्डलाई प्रधानमन्त्री चयनको पक्ष र विपक्षमा रहेका सांसदहरुले वर्णानुक्रमअनुसारको आ–आफ्नोमा हस्ताक्षर गर्दै । 15:27:30
सांसद ल्यारक्याल लामा, संजय शाह निलम्बन भएको, राष्ट्रपति, सभामुखले मतदान गर्न नपाउने र कांग्रेस सांसद नरहरी आचार्य भोल हाल्न आउन सकेनन् । 15:24:08
सांसद संख्या ५ सय ९४ । अहिले ५ सय ९१ जनाले मतदान गर्न पाउने छन् । 15:22:33
अर्थमन्त्री विष्णु पौडेल हाँस्दै । ओली भावुक । 15:20:48
कमल थापाले प्रचण्डलाई हाल मिलाउँदै शुुभकामना दिए । 15:18:30
सुनील थापा प्रधानमन्त्रीका उम्मेद्वार पुष्पकमल दाहाललाई फकाउँदै । 15:17:35
प्रचण्डसंग हात मिलाउनेको ताती । 15:16:32
प्रचण्डलाई बधाई आउन सुरु । उनले फोन उठाउँदै हाँस्दै धन्यवाद फर्काए । 15:16:04
सांसदहरु मतदान गर्दै । 15:11:59
प्रधानमन्त्रीका लागि मतदान सुरु 15:09:47
दलित जनजाती पार्टीकी यशोदा लामा र स्वतन्त्र सभासद् चन्द्रेश्वर झाले समर्थन गरिसकेपछि सभामुखबाट मतविभाजनका लागि आह्वान । 15:07:14
हामी अल्पसंख्यक समुदायले निकै आशा राखेका छौं दाहालबाट । उत्पीडनमा परेका सबै जनतालाई दाहालले न्याय दिनु हुनेछ भन्ने निवेदन गर्न चाहन्छु । 14:52:28
सांसद लोकमणि ढकाल दाहाललाई समर्थन गर्दै । जनजागरण पार्टी नेपालले दाहाललाई समर्थन गर्नुको कारण विभेद अन्त्यका नारा लगाउने नेताहरुबीचमा उहाँ व्यवहारवादी देखिनु भयो । 14:50:25
अखण्ड नेपाल पार्टी नेपालको पनि संघीय गणतन्त्रबादी पुष्पकमल दाहाललाई समर्थन । 14:48:02
दाहाललाई समर्थन गर्नेहरुले बोल्ने क्रम जारी । गणतन्त्रको स्थापना गर्ने व्यक्तिले सरकार चलाउनु सामान्य हो । 14:47:19
संघीय गठनन्धनसंगको सम्झौताका लागि सलाम छ । बधाइ छ । 14:41:48
नेपाली जनता दलका सांसद हरिचरण शाह समर्थनमा आफ्नो भनाई राख्दै । भावी प्रधानमन्त्रीले हामीमाथि लागेको सबै दागलाई मेटाउने काम गर्नु भएको छ । 14:40:43
प्रचण्ड हरेक समस्या समाधान गर्न सक्षम छन्– सिंह । 14:40:09
प्रधानमन्त्रीको उम्मेद्वारीका समर्थक सांसद प्रेम बहादुर सिंह आफ्नो धारणा राख्दै । 14:36:19
थरुहट लोकतान्त्रिक राष्ट्रिय मोर्चाकी सांसद रुक्मीणि चौधरी समर्थन गर्दै । थरुहट थारुवान संघर्ष समितिको ७ बुँदे सहमति कार्यान्वयन हुनु पर्दछ । 14:35:00
राप्रपासहित अन्य दलका समर्थकले आफ्ना धारणा राख्दै । 14:28:49
प्रतिवद्धता पालना गर्दै अघि बढ्नु हुने छ । 14:07:13
मुलुकको समृद्धिका लागि सिमान्तकृत समुदायलाई अघि बढाउनै पर्दछ । मधेसमा आगो दन्किरहेका बेला बनेको रक्तरन्जित संविधान सहिल्यै स्वीकार्य हुँदैन । खब केही बाटो बनेको छ । त्यो संशोधन हुनु पर्दछ । 14:04:53
दाहालको उम्मेद्वारीका समर्थक उपेन्द्र यादव आफ्नो भनाई राख्दै छन् । 14:02:51
संक्रमणको परिस्थितिलाई बदल्दै नयाँ उचाईमा लान पुष्पकमल दाहालको आवश्यकता महसुस गरेका हौं । 13:58:45
समर्थक कृष्णबहादुुर महरा बोल्दै छन् । 13:58:36
जनता ठूलो कुरा हो । जनता नै सबै भन्दा माथि हुन्छ । 13:48:15
संविधानको सर्वस्वीकार्यतापछि मात्रै संविधान कार्यान्वयन हुन्छ । अस्ति पनि मैले भनेकै हुँ । 13:46:48
शान्तिपूर्ण पद्दतिकै लागि मेरो पार्टी लडेको हो । 13:46:10
शान्तिपूर्ण ढंगले सत्तापरिवर्तन हुनु प्रजातन्त्रको सुन्दरता हो । 13:45:17
मधेसवादीहरुसंग हामीले सहमति गरेका छौं । जसले संविधानको सर्व स्वीकार्यतालाई सहज बनाउने छ । जसकारण मेरा मित्र प्रचण्डलाई मैले सघाएको हु । 13:44:42
अहिले प्रस्तावक शेरबहादुर देउवा बोल्दै छन् । उनले सबैलाई हँसाए । 13:42:13
दाहाल नजिकै आएपछि महरा हाँसे । दाहालले आफ्नो वक्तव्य टुंग्याए । 13:40:43
राष्ट्रिय मुद्धाहरुमा म सबै राजनीतिक दलहरुसंग मिलेर काम गर्ने छु । डुबे हामी यो सदनका सबै डुब्ने छौं । उत्रिए सबै उत्रिने छौं । त्यसैले सबै मिलेर जाऔं । 13:40:10
म अन्तसम्म देश र जनताका लागि लडिरहने प्रतिज्ञा गर्छु । 13:38:22
वन पैदावारलाई रिसाइक्लिङ विधिमा लैजान आवश्यक छ । त्यो हामीले गर्न सकौंला ? प्राकृतिक स्रोत साधनको उचित प्रयोग गरी आर्थिक समृद्धि हुन्छ । 13:30:26
देश निर्माणको नयाँ शैली र नयाँ ढाँचा ल्याउँदै छौं । 13:26:38
प्रधानमन्त्री (ओली) जी –जहाँ जहाँ बजेट छुट्याउनु भएको छ त्यहाँ सबै कार्यक्रम कार्यान्वयन हुने छन् । बजेट नछुट्टिएका ठाउँलाई कसरी लैजाने भन्नेबारे पनि अभ्यास गर्ने छौं । गरेरै छाड्ने छौं । धन्दा नमान्नु होला । 13:24:19
नेपाल चीन सम्बन्धलाई स्थापित गर्ने पात्र भएको नाताले म तपाईले अघि बढाएका काम गर्ने नै छुँ । प्रधानमन्त्री जी विलकुल चिन्ता नमान्नु होला । सबै काम अघि बढाइने छ । त्यहाँ कुनै राजनीति हुने छैन । 13:21:50
दाहालले ओलीलाई भने– ‘तपाईले के सोच्नु भएको छ ?’ कसरी विकासका कामहरु गर्नु सोच्नु भएको छ । स्रोत देखाई दिनुस् । मित्र राष्ट्रबाट सहयोग मागेर बनाउनु पर्छ भने त्यसै गर्छुृ । अन्र्तराष्ट्रिय समुदायसंग ऋण मागरे बनाउनु पर्छ भने त्यसै गर्छु । क्रिपया उचित सल्लाह दिनु होला । बुझिने र सरल भाषामा सल्लाह दिनु होला । 13:19:03
केरुङ, काठमाडौं–लुम्बिनी रेल मार्ग के हुन्छ भनेर सोध्नु भएको छ । हामी त्यसलाई महत्वका साथ अघि बढाउँछौं । मैले पहिलो पटक प्रधानमन्त्री हुँदा पहिलो भ्रमण चीनबाटै गरेर रेलमार्गको आवश्यकताको विषय जोडदार रुपमा उठाएको थिएँ । 13:18:47
तपाईको जोडदार साथ चाहिएको छ प्रधानमन्त्री जी । तपाई साथ दिनुस् हामी । फास्ट ट्रयाक र हुलाकी मार्ग जोड तोडका साथ काम गर्छौ । 13:13:00
म सहमतिका लागि तयार छुँ । 13:05:50
१० वर्षे सशस्त्र विद्रोहको सुप्रिम कमाण्डर पनि म हुँ । 13:04:56
उत्पीतका अधिकारका लागि बन्दुक लिएर लडाई गरेको कमाण्डर पनि म हुँ । 13:04:17
संसदमा केही दिन अघि महाभारत प्रवेश भो । अभिमन्यूको प्रवेश भो । यी विषय संसदमा रेकर्ड भइसकेका भएर मैले बोल्न योग्य ठाने । 13:03:14
प्रधानमन्त्रीले भनेका बोलेका र संसदमा भएको बहसबारे धेरै बोल्न चाहन्न । यहाँ निषेधको राजनीति नहोस् । अपमानको राजनीति नहोस् भन्ने मेरो भनाई हो । 13:01:04
मलाई प्रधानमन्त्रीको उम्मेद्वार बनिरहँदा खासै खुसी लागेको छ । मुलुक विभिन्न संकटमा रहेको अवस्थामा म दोस्रो पटक प्रधानमन्त्री बन्न लाग्दै छु । 12:58:21