रियो । रियो ओलम्पिक खेलकुद अन्तर्गत पुरूष फुटबलमा आयोजक ब्राजिललाई झड्का लागेको छ । शुक्रबार बिहान भएको आफ्नो पहिलो खेलमा आयोजक ब्राजिलले दक्षिण अफ्रिकासँग गोलरहित बराबारी खेलेको हो।
घरेलु मैदान, मिलियन पाउन्डमा अनुबन्ध भएका खेलाडीहरू, यी पर्याप्तले पनि ब्राजिललाई दक्षिण अफ्रिकामाथि जित दिलाउन सकेन। ब्राजिलले गोल गर्ने थुप्रै सुनौला अवसरहरू पाए पनि त्यसलाई सदुपयोग गर्न सकेन।
अहिलेका चर्चित युवा खेलाडी नेयमारलाई लिएर ब्राजिललाई प्रतियोगिताको प्रमुख दाबेदारको रूप हेरिए पनि त्यसको प्रारम्भिक प्रतिफल भने सुखद पाइएन।
त्यस्तै उद्घाटन खेलमा ईराक र डेनमार्कले पनि गोलरहित बराबरी खेलेका छन् ।
त्यस्तै दक्षिण कोरियाले फिजीलाई ८–० ले, होन्डृुरसले अल्जेरियालाई ३–२ ले, नाइजेरियाले जापानलाई ५–४ ले हरायो । अर्जेन्टिना भने पोर्चुगलसंग २–० ले पराजित भयो ।
मेक्सिकोले जर्मनीसंग तथा स्वीडेनले कोलम्बियासंग समान २–२ को बराबरी खेलेको छ ।
