काठमाडौं । विगमार्ट सुपरमार्केटले सातौं वार्षिकोत्सवका अवसरमा भाग्यशाली ग्राहक छनोट गरेको छ ।
विगमार्टको नक्शालस्थीत स्टोर परिसरमा आयोजित छनोट कार्यक्रमबाट सात जना भाग्यशाली ग्राहक छनोट गरिएको हो । छनोट भएका ग्राहकले एक वर्षभरी एक लाख रुपैँया बराबरको किनमेल निःशुल्क गर्न पाउने विगमार्टका अप्रेसन म्यानेजर गजेन्द्र न्यौपानेले जानकारी दिए ।
जुलाई महिना भर विगमार्टमा किनमेल गरेका ६५ हजार ग्राहकले भरेको कुपनहरु मध्येबाट भाग्यशाली ग्राहक छनोट गरिएको हो ।
छनौट हुनेमा नयाँ बसपार्कका अंजन थापा, गंगोवुका जितेन्द्र रम्तेल, जाउलाखेलका अशोक लामा, एकान्तकुनाका सुप्रिम नकर्मी, खुमलटारका विनोद घिमिरे, विना भट्टराई र थर तथा ठेगाना नखुलेकी संगीना गरी सात जना रहेका छन् ।
सिटी सेन्टरबाट सुरु भएको विगमार्टले अहिले काठमाडौका १७ ठाउमा सुपरमार्केट सञ्चालन गरिरहेको छ ।
