काठमाडौं । नेपाली काँग्रेसको भ्रातृ संगठन नेविसंघको ११ औं महाधिवेशनको उद्घाटन हुँदै गर्दा विवाद भने अझै मिल्न सकेको छैन । विवाद मिलाउनका लागि महाधिवशेन निर्देशन समितिका संयोजक प्रकाशशरण महतको निवासमा सर्वपक्षीय छलफल चलिरहेको छ ।
छलफल सकारात्मक मोडमा अगाडि बढिरहेको छलफलमा सहभागी एक नेताले जानकारी दिए । आन्दोलनरत पक्षले विधिवत् महाधिवेशनको माग गर्दैै दुई विद्यार्थी आमरण अनसन बसेका अवस्थामा समस्याको समाधानतिर अगाडि बढिरहेको जनाइएको छ ।
फर्जी प्रतिनिधिको खारेजी गरी महाधिवेशन गर्ने तयारी भइरहेको बुझिएको छ । दिउँसो १ बजे उद्घाटन सुरु हुनुअघि नै समाधान हुने बताइएको छ ।
योसंगै आमरण अनसनमा रहेका गणेश सापकोटा र रत्नहरि ढुङ्गेलको अनसन तोडिने बताइन्छ । दुवैको अस्पतालमा उपचार भइरहेको छ ।
