एजेन्सी। स्पानिस क्लब बार्सिलोनाले इङ्लिश क्लब लिभरपुलसँग लज्जास्पद हार व्यहोरेको छ। शनिबार राति भएको मैत्रिपूर्ण खेलमा लिभरपुलले बार्सिलोनालाई ४-० गोल अन्तरले पराजित गरेको हो।
लिभरपुलले खेलको १५ औं मिनेटमा साडिओ मानेको गोलबाट सुरूवाती अग्रता लिएको थियो। बार्सिलोनाका जाभियर मासेरानोले आत्मघाती गोल गरेपछि लिभरपुलको अग्रता दोब्बर भयो।
ओरिगी र मार्को गुर्जिकले गोल गर्दे लिभरपुललाई ४-० गोलको जित दिलाएका हुन्। बार्सिलोनाको लागि खेलमा लिओनल मेस्सी र लिभरपुलका पूर्व स्ट्राइकर लुइस स्वारेज खेले पनि टिमलाई हारबाट जोगाउन सकेनन्।
