लण्डन । कम्युनिटी शिल्ड फुटबल प्रतियोगिताको उपाधि म्यान्चेस्टर युनाईटेडले जितेको छ ।
आइतबार राति भएको खेलमा इङ्लिश प्रिमियर लिग च्याम्पियन लेष्टर सिटीलाई २–१ ले हराउँदै म्यान्चेस्टर युनाईटेडले सिजनको पहिलो उपाधि जितेको हो ।
म्यान्चेस्टर युनाईटेडलाई विजयी गराउन जेसी लिङ्गार्ड र ज्लातन इब्राहिमोभिचले एक एक गोल गरे ।
पराजित टोली लेष्टरका जेमी भार्डीले एक गोल फर्काएका थिए । नयाँ सिजनको पहिलो उपाधिसंगै पोर्चुगिच प्रशिक्षक जोजे मौरिन्हो पनि चम्किएका छन् । गत सिजन खराव खेलाएकै कारण उनी चेल्सीबाट निकालिएका थिए ।
वेम्बले रंगशालामा भएको फाइनलमा हुँवा माटा भने केवल ३० मिनेटमात्र मैदानमा खेल्न पाएका थिए । यसलाई पनि मौरिन्होकै रणनीति मान्नुपर्छ । उनले भनेका छन् ‘मैले कसलाई पूर्वाग्रही रुपले हेर्दिन, टिमले जितेको छ, सबै खुसी हुनुपर्छ ।’
चेल्सीबाट निकालिनुपूर्व मौरिन्होले चेल्सीलाई प्रायः सबै घरेलु प्रतियोगिता दिलाएका थिए ।
म्यानचेष्टर युनाइटेडलाई पनि सोही दावेदार बनाउने मौरिन्होको लक्ष्य छ ।
यो खेल भएको एक हप्तापछि प्रिमियर लिग फुटबल सुरु हुन्छ ।
