एजेन्सी। १०० मिलियन युरोमा म्यान्चेष्टर युनाइटेडमा अनुबन्धित भएपछि पावल पोग्बा यतिखेर सर्बाधिक चर्चामा छन्। पोग्बाको यो विश्व कीर्तिमानी फुटबल अनुबन्धले यतिखेर विश्वको ध्यान खिँचेको छ।
औपचारिक रूपमा इङ्लिश् क्लब म्यानचेष्टर युनाइटेडमा अनुबन्धित भएपछि पोग्बाले युनाइटेडमा आफ्नो पुरागमन सबै भाग्यले गर्दा भएको कुरा बताएका छन्।
एक अन्तर्वातामा बोल्दै पोग्बाले भने "हो यतिखेर म पुन युनाइटेड फर्केको छु र मलाई लाग्छ यो सब भाग्यले गर्दा नै भएको हो।" पोग्बाले आफुलाई आफ्नो आमाले म्यानचेष्टर फर्कन सक्ने कुरा बताए पनि आफुले त्यसलाई नपत्याएको कुरा बताए।
पूर्व युभेन्टस मिडफिल्डर पोग्बा हालैमात्र इङ्लिश् क्लब म्यानचेष्टर युनाइटेडमा विश्व कीर्तिमानी रकममा अनुबन्द भएका हुन्। पोग्बाको यो अनुबन्द फुटबल इतिहासकै महंगो अनुबन्ध हो।
