एजेन्सी। मिस र्वल्ड २०१६ को लागि अष्ट्रेलियाबाट प्रतिनिधित्व जनाउन लागेकी इस्ली मिलर केनिडीको दुई फ्रान्सेली पर्यटकसहित कार दुर्घटनामा मृत्यु भएको छ। दुर्घटनापश्चात् एक हप्तादेखि अस्पतालमा भर्ना भएकी केनिडीको गए राति मृत्यु भएको हो। केनिडीको टाउको र छातीमा गम्भीर चोट लागेको थियो।
उक्त दुर्घटना फ्रान्सेली दुई पर्यटकले गलत दिशामा सवारी चलाएका कारण भएको हुनसक्ने बताइएको छ। अधिकारीहरूले फ्रान्सेली चालकसँग सोधपुछ गर्न बाँकी रहेको स्काइ न्यूजले जनाएको छ। चालक अस्पतालमा उपचारत अवस्थामा छन्। १७ वर्षिय इस्ली केनेडीले अगामी डिसेम्बर २० मा वासिङटन डिसीमा आयोजना हुने भनिएको मिस र्वल्डमा अष्ट्रेलियाबाट प्रतिनिधित्व गर्न लागेकी थिइन्।