चीनको विस्तारवादी नीतिहरूबाट टाढा रहेका मध्य-पूर्वी युरोपका देशहरूद्वारा नयाँ व्यवस्था खोजी
एजेन्सी,
प्रकाशित २०७९ वैशाख ५ सोमबार
873
Shares
फाइल तस्बिर
बेइजिङ। युक्रेनमा रुसको आक्रमणलाई ध्यानमा राख्दै, चिनियाँ प्रभुत्व र विस्तारवादी नीतिहरूबाट टाढा रहेको मध्य र पूर्वी युरोपमा रहेका मुलुकहरूले नयाँ व्यवस्थाको खोजी गरिरहेका छन्। चीनको बाह्य कोषमा पारदर्शिताको अभाव देखिएकोले सुरक्षा व्यवस्थामा प्रतिकूल असर पार्ने नसक्ने भन्दै उनीहरू सचेत देखिएका छन्।
यस प्रकारको कोष प्रायः चीन र रुस जस्ता अधिनायकवादी शासनहरूबाट आउने उनीहरूले बताएका छन्। जियो पोलिटिकाले यी देशहरूले आफ्नो निर्णय प्रक्रियालाई प्रभाव पार्न पुँजी प्राप्त गर्ने देशहरूमा सुशासनका कमजोरीहरूको दुरुपयोग भएको रिपोर्ट गरेको छ।
चिनियाँ विस्तारवादी नीतिले ‘कर्सिभ क्यापिटल’ लाई समर्थन गरेको जनाइएको छ। इन्टरनेशनल सेन्टर फर प्राइभेट बिजनेसले परिभाषित गरेको ‘कर्सिभ क्यापिटल’ अवधारणामा ‘पारदर्शिता, जबाफदेहिता र बजार अभिमुखीकरणको अभाव हुने बाह्य त्कोषका स्रोतहरू’ जनाउँछ।
गत वर्ष, चीनले चीन र मध्य तथा पूर्वी युरोपेली देशहरू (सीईईसी वा १७+१ पहल) को नेतृत्व गर्दै शिखर सम्मेलन आयोजना गरेको थियो। बैठकमा ६ देशका नेताहरू उपस्थित भएनन् र लिथुआनियाले शिखर सम्मेलन बहिष्कार गर्न पहल गरेको थियो।
चीनको योजना विफल भएको थियो। यससँगै चीनको उक्त रणनीतिविरुद्ध लिथुआनियाले ताइवानमा व्यापार प्रतिनिधि कार्यालय स्थापना गर्ने घोषणा गर्दै १७+१ पहलबाट बाहिरिएको घोषणा गरेको थियो। यसबाट युरोप चीनसँग सहकार्य गर्न अनिच्छुक भएको स्पष्ट छ। पोल्यान्ड पनि ५जी का लागि अमेरिकी नीति सँग पङ्क्तिबद्ध भएको छ।
रुस-युक्रेन युद्धले सीईईसीहरूलाई अमेरिकाको नेतृत्वमा पश्चिमतर्फ धकेलिरहेको र चिनियाँ मौन समर्थनले थप सुरक्षा चिन्ताहरू उजागर गरेको छ।
