काठमाडौं। इङ्लिश प्रिमियर लिगको नयाँ सिजनमा लिभरपुलले सुखद सुरूवात गरेको छ। नयाँ सिजनको आफ्नो पहिलो खेलमा लिभरपुलले बलियो प्रत्यासी आर्सनलमाथि ४-३ गोलको रोमान्चक जित हात पारेको छ। गएराति भएको खेलमा लिभरपुलले आर्सनललाई उसैको मैदानमा स्तब्ध बनाएको हो।
आर्सनलका थेओ वालकटले ३१औं मिनेटमा गोल गर्दै आफ्नो टोलीलाई अग्रता दिलाएका थिए। ४५औं मिनेटमा फिलिप कोटिन्होले लिभरपुलकालागि गोल गर्दै खेल १-१को बराबरी बनाएका थिए।
दोस्रो हाफको चऔथो मिनेटमा एडम ललानाले गोल गर्दै लिभरपुललाई २-१को अग्रता दिलाएका थिए भने ५६औं मिनेटमा कोटिन्होले गोल गरेका थिए। ६३औं मिनेटमा लिभरपुलका सदियो मानेले गोल गर्दै खेलमा ४-१को अग्रता दिलाएका थिए।
६४औं मिनेटमा आर्सनलका च्याम्बरलेनले दोस्रो गोल गरेका थिए भने ७५औं मिनेटमा क्यालम च्याम्बर्सले तेस्रो गोल गरेका थिए।
यस्तै म्यान्चेष्टर युनाइटेड पनि विजयी भएको छ। पछिल्लो सिजन खराब प्रदर्शनबाट गुज्रिएको युनाइटेडले गएराति भएको सिजनको आफ्नो पहिलो खेलमा बोर्नमाउथमाथि ३-१ गोलको जित निकालेको हो।
युनाइटेका लागि स्ट्रइकर माटा, रूनी र इब्राहिमोबिचले समान एकएक गोलको गरे। इब्राहिमोबीच युनाइटेडमा यसै सिजन अनुबन्ध भएका हुन्।
वेस्ट ब्रोमले पनि क्रिस्टल प्लालेसमाथि १-० गोलको जित निकाल्दै सिजनको सुखद सुरूवात गरेको छ।
यस्तै गएराति भएको अन्य खेलमा एर्भरटन र टोटोनहम र साउथह्यान्टम र वाटफोर्टले १-१ गोलको बराबरी खेल्दै अंक बाडेका छन्।
