काभ्रे । काठमाडौंबाट काभ्रेको काेशीपारी जाँदै गरेकाे यात्रुबस दुर्घटना भएको छ । अरनिको यातायातको बा ३ ख १०६ नम्बरको बस बिर्तादेउराली -७ मा दुर्घटना हुँदा बसमा सवार २० बढीको मृत्यु भएको दुर्घटनास्थल पुगेका प्रहरी नायव उपरीक्षक नविनराज राईले जानकारी दिए ।
उनल भने, ‘यकिन भइसकेको छैन । २० देखि २५ जनाको मृत्यु भएको भन्ने जानकारी आएको छ ।’ दुर्घटनामा ३५ बढी घाइते भएका छन् । घाइते मध्ये अधिकांशको अवस्था जटिल रहेकाले मृतकको संखया बढ्न सक्ने बताइएको छ ।
गाडी खहरे भिरबाट डेढ सय मिटर तल खसेकाले बढी मानवीय क्षती भएको हुन सक्ने बताइएको छ । गाडी टुक्रिएको बताइएको छ । दुर्घटनास्थलमा २५ जनाको शव भेटिएको बताइएको छ ।
कच्ची बाटोका कारण घाइतेहरुलाई अस्पताल ल्याउन कठिनाइ भइरहेकाले हेलिकोप्टर मगाइएको पनि प्रहरीले जनाएको छ ।
