बैतडी । जयपृथ्वी राजमार्गमा यात्रु बस दुर्घटना भएको छ । धनगढीबाट बझाङतर्फ गईरहेको यात्रुबहाक बस दुर्घटना भएको हो । सुदुरपश्चिम यातायातको ना ५ ख २८३२ नम्बरको बस बैतडीको सिद्वेश्वर–३ विन्द्रावनको ज्यापु भिरमा दुर्घटना भएको हो ।
दुर्घटना परी ३ जनाको मृत्य भएको छ, भने ३० बढी घाईते भएका छन । मृत्यु हुनेमा बझाङ कोटभैरव गाविसकी अन्दाजी ५० वर्षीया पुनी कडायत र बझाङ देउलेखकी गर्भवती महिला नानु खडकाको पहिचान भएको छ । अर्का एक पुरुषको अझै नाम खुल्न सकेको छैन ।
घटनास्थलमा प्रहरी र स्थानीय वासीले घाइतेहरुलाई उद्वार गरेका छन् । सख्त घाइतेलाई उपचारका लागि उपक्षेत्रीय अस्पताल डडेल्धुरामा ल्याइएको प्रहरीले जनाएको छ । बस भिरबाट करीब सय मिटर तल खसेको हो । घटनाको पूर्ण विवरण अझै आउन बाँकी छ ।
