काठमाडौं। नेपाल बिद्यार्थी संघको बुधवार हुने निर्वाचनमा पार्टी सभापति शेर बहादुर देउवा र नेता कृष्ण प्रसाद सिटौला समुहका तर्फबाट अध्यक्षमा नैनसिंह महर उठ्ने पक्का भएको छ। पदाधिकारीहरुमध्ये प्रभावशाली मानिने महामन्त्रीमा अध्यक्षका आकाँक्षीहरु सरोज थापा र कुन्दन काफ्ले उमेद्वार हुने भएका छन्। यो समुहलाई देउवा तथा काँग्रेस नेता गगन थापा र प्रदिप पौडेलको संयुक्त प्यानलको रुपमा पनि अर्थ्याइएको छ।
नेविसंघका नेता ऋषिकेश शाहका अनुसार नेविसंघको ११ औ महाधिवेशनको लागी देशभरका लोकप्रिय साथीहरुको समुह बनाउन सकेको बताएका छन्। यो समुह बन्नुअघी देउवा र सिटौला सहित सिटौला समुहका तर्फबाट नेता गगन थापा र प्रदिप पौडेलहरुले पटकपटक घनिभुत छलफल गरेका थिए। बताइए अनुसार नेविसंघ पदाधिकारीहरुमा दुवै समुहले सम्मानजनक साझेदारी गरेका छन्। महिला उपाध्यक्षमा कृष्णकुमारी बस्नेत र मधेशी उपाध्यक्षमा परमेश्वर साह पनि नैनसिंह महरको प्यानलबाट उमेद्वार भएका छन्।
नैनसिंह महरको अध्यक्षतामा सरोज थापा र कुन्दन काफ़्ले २ जना महामन्त्रीको नेतृत्व सहितक़ो संयुक्त प्यानल बनाएको र सो प्यानललाई बिध्यार्थी नेता एवं अध्यक्षका उमेदवार जितजंग बस्नेतको समेत समर्थन रहेको बताइएको छ। अध्यक्ष र महामन्त्रीका उमेद्वारले सोमबार साँझ मनोनयन गरेका छन्।
सोमबार साँझ ६ वजेसम्म विभिन्न पदहरुमा ३ सय ९० जनाको उमेद्वारी परेको निर्वाचन समितिका सदस्य अरुण पञ्जियारले जानकारी दिए। त्यस्तै कोषाध्यक्षमा ४ जनाको नाम दर्ता भएको पनि निर्वाचन समिति सदस्य पञ्जियारले जानकारी दिए। कोषाध्यक्षमा उम्मेदवारी दिनेमा अञ्जना अर्याल, केदार खनाल र उमेश भट्टराई छन्।
मंगवलार ८ देखि ११ वजेसम्म उमेद्वारी मनोनयको समय थपिएको छ। पार्टी सभापति देउवा र बरिष्ठ नेता रामचन्द्र पौडेलबीच भएको दुई वुँदे सहमति अनुसार विवाद मिलाउन काठमाडौंमा थपिएका प्रतिनिधीहरुलाई सम्वन्धित जिल्लामा सार्नेगरि सहमति भएको छ। मंगलवार प्रक्रिया पुरा गरि बुधवार चुनाव हुने बताइएको छ।
