-
-
-
-
मोरङ । आज बिहान सुन्दरहरैंचा ११ शुक्रबारेमा उम्मेद्वारको घर छेउँमा फेला परेको शंकास्पद वस्तु बम नभएको पुष्टि भएको छ । सो वस्तु होक्स (तर्साउन राखिएको नक्कली बम) मात्र भएको प्रहरीले जनाएको छ ।
इलाका प्रहरी कार्यालय बेलबारीका अनुसार निर्वाचन बहिष्कार गरौँ भनेर नेकपा माओवादी क्रान्तिकारीको नाममा लेखिएको पर्चाले बेरेर राखिएको कुकरभित्र ४ वटा ढुङ्गा फेला परेको थियो । शंकास्पद वस्तु राखेर बाहिर तार निकालेर तर्साउन खोजेको मात्रै पाइएको र सो वस्तु राख्नेको खोजी भइरहेको प्रहरीले जनाएको छ ।
सुन्दरहरैंचा ११ बाट नेकपा एमालेको तर्फबाट वडा सदस्यका उम्मेद्वार रहेका जीवनाट ढकालको घर छेउँमा आज बिहान शङ्कास्पद वस्तु भेटेपछि नेपाली सेनाको डिस्पोजल टोली बम डिस्पोज गर्न आएको थियो ।
