एक महिनाअघि नै नवौं राष्ट्रिय खेलकुदको लोगो र मस्कट सार्वजनिक
हाम्रा कुरा
प्रकाशित २०७९ वैशाख २४ शनिबार
1k
Shares
काठमाडौं । गण्डकी प्रदेशमा एक महिनापछि आयोजना हुने नवौं राष्ट्रिय खेलकुद प्रतियोगिताको लोगो र मस्कट एक महिनाअघि नै सार्वजनिक भएको छ । राष्ट्रिय खेलकुद परिषद (राखेप) ले शनिबार एक कार्यक्रममा गर्दै नवौं राष्ट्रिय खेलकुदको लोगो र मस्कट सार्वजनिक गरेको हो ।
युवा तथा खेलकुद मन्त्रि महेश्वर गहतराज, राखेपका सदस्यसचिव टंकलाल घिसिङ, उपाध्यक्ष शिव कोइराला लगायतले लोगो र मस्कट सार्वजनिक गरेका हुन् ।
यस्तै नवौंको नारासमेत सार्वजनिक गरिएको छ । ‘एकताबद्ध देश, खेलकुदको सन्देश’ नारा रहेको छ । लोगो र मस्कट खुल्ला छनोट खुल्ला प्रतिस्पर्धाबाट छनोट गरिएको हो । लोगो र मस्कट भोलानाथ पौडेलले डिजाइन गरेका हुन् । नारा सुयोग्य राज काफ्लेले रचना गरेका हुन् ।
लोगो डिजाइन गरेका भोलानाथले पुरस्कारस्वरूप ५० हजार रुपैयाँ प्राप्त गरे । त्यस्तै मस्कट डिजाइन गरेवापत उनले २५ हजार पाए । नारा बनाउने काफ्लेले १० हजार प्राप्त गरे ।
लोगो, मस्कट र नारा छनोटका लागि राखेपले एकेन्द्र कुँवरको संयोजकत्वमा कमिटि गठन गरिएको थियो ।
नवौं जेठ २२ देखि २८ गतेसम्म सञ्चालन हुनेछ ।
नवौं राष्ट्रिय खेलकुदमा ३६ खेल समावेश गरिएको छ । यस्तै दुई प्रदर्शनी खेलको रुपमा रहेको छ ।
