चाँगुनारायणमा कांग्रेसको जित, १२ मतले एमाले पराजित

हाम्रा कुरा

प्रकाशित २०७९ जेठ १ आइतबार

भक्तपुर । चाँगुनारायण नगरपालिकाको प्रमुखमा नेपाली कांग्रेसका जीवन खत्रीले एक हजार १३७ मतसहित अग्रता लिएका छन् । उनका प्रतिस्पर्धी नेकपा एमालेकी बीणा बाँस्तोलाले हालसम्म एक हजार ५७ मत प्राप्त गरेकी छिन् ।

यस्तै उपप्रमुखतर्फ एमालेको रमेश बुढाथोकीले एक हजार १८२ मत र कांग्रेसकी सुभद्रा काफ्लेले एक हजार १०५ मत प्राप्त गरेका छन् । उक्त नगरको वडा नं १ मा कांग्रेसका सिजन कार्कीले १२ मतको अन्तरले एमालेका उम्मेदवारलाई हराउँदै कांग्रेसको प्यानल विजयी भएको छ ।

कार्कीले एक हजार २२५ मत प्राप्त गरेका छन् भने उनका प्रतिद्वन्द्वी एमालेका ईश्वर थापाले एक हजार २१३ मत प्राप्त गरेका छन् ।