काठमाडौं। नेपाल विद्यार्थी संघको चुनावको मतगणनाको अन्तिम नतिजा आएको छ। नतिजा अनुसार नैनसिंह महर विजयी भएका छन्। उनले १४९६ मत ल्याएर विजयी भएका छन्। उनका निकटतम प्रतिष्पर्धी मनोजमणी आचार्यले १३६२ मत र आनन्द त्रिपाठीले ३४८ मत ल्याएका मतगणनास्थलमा रहेका हाम्रा सहकर्मी तेजसिंहले जनाएका छन्।
अध्यक्षमा आनन्द राज त्रिपाठी, नगेन सिंह ठकुरी, नैनसिंह महर, बचन कार्की (मुसा), मनोजमणी आचार्य, लक्ष्मण आचार्य र शुभराम वस्नेत गरि ७ जना मैदानमा थिए। कुल ३२ सय ६० मत खसेको छ।
महामन्त्रीमा कुन्दन काफ्ले र सरोज थापा विजयी भए। दुई महामन्त्रीका लागि भएको निर्वाचनमा हिमालदत्त श्रेष्ठ, दिपक भट्टराई र शंकर पौडेल मैदानमा थिए।
