-
-
-
-
काठमाडौं । नेपाल प्रहरीको अतिरिक्त महानिरीक्षक (एआईजी) पदमा बढुवाका लागि पाँच जना प्रहरी नायब महानिरीक्षक (डीआईजी) को नाम सिफारिस भएको छ ।
गृह मन्त्रालयको सोमबार बसेको बढुवा समितिको बैठकले प्रहरी अतिरिक्त महानिरीक्षकमा बढुवा गर्न सोही समूहतर्फका पाँच जनाको नाम महानिरीक्षकको नाम मन्त्रिपरिषद्मा सिफारिस गर्ने निर्णय गरेको हो ।
सिफारिस हुनेहरुमा उत्तमराज सुवेदी, अरुणकुमार बीसी, दिवेश लोहनी, मुकुन्दराज आचार्य र पूजा सिंह रहेका छन् । सुवेदीले सबैभन्दा बढी ७२.०१७८ अंक पाएका छन् ।
बीसीले ७१.७०११, लोहनीले ६७.६९४५, आचार्यले ६७.६७३८ तथा सिंहले ६३.३०६६ अंक पाएका छन् ।
