-
-
-
-
काठमाडौं । काठमाडौं महानगरपालिकाको मतगणना धमाधम भइरहेको छ । मत गणनामा लौरो चुनाव चिन्ह लिएका वालेन्द्र साह जित नजिक पुगेका छन् ।
मङ्गलवार दिउँसो ३ बजेसम्मको मत परिणाम अनुसार साह ५१ हजार १८५ मतका साथ पहिलो स्थानमा रहेका छन् ।
स्वतन्त्र उम्मेदवार साह नेपाली कांग्रेस र नेकपा एमालेलाई पछि पर्दै कामपाको मेयर बन्न लागेका छन् ।
उनको पछि कांग्रेसकी उम्मेदवार सिर्जना सिंह रहेकी छिन् । कांग्रेसकी उम्मेदवार सिंहले ३२ हजार ७९ मत पाएकी छन् ।
सिंह वालेन्द्र भन्दा १९ हजार १०६ मतले पछाडि छन् ।
नेकपा एमालेका उम्मेदवार केशव स्थापित ३१ हजार ४९२ मतका साथ तेस्रो स्थानमा छन् । वालेन्द्र स्थापित भन्दा १९ हजार ६९३ मतान्तरले अगाडि रहेका छन् ।
उपमेयरमा भने एमाले उम्मेदवार सुनीता डङ्गोल बन्दै छिन् ।
