प्रदेशसभा सदस्यलाई हराउँदै कांग्रेसका यादव बने मेयर

प्रिमेश शिवाकोटी,

प्रकाशित २०७९ जेठ ११ बुधबार

गढीमाई । रौतहटको गढीमाई नगरपालिकाको मेयर पदमा उम्मेदवारी दिएका प्रदेशसभा सदस्य शेख अबुलकलाम आजाद पराजित भएका छन् । उनी नेपाली कांग्रेसका मेयर पदका उम्मेदवार श्यामप्रसाद यादवसँग पराजित भएका हुन् ।

प्रदेशसभा सदस्यबाट राजीनामा दिएर गढीमाई नगरपालिकामा जनता समाजवादी पार्टी (जसपा) बाट मेयर पदका उम्मेदवार बनेका अबुलकलाम आजादलाई यादवले पराजित गरेका हुन् ।

दोस्रो कार्यकालका लागि निर्वाचित भएका श्यामप्रसाद यादवले ८ हजार ६३१ मत ल्याउँदा आजादले भने ८ हजार ७३ मत ल्याए । कलाम मधेस प्रदेश सरकारको विकास समितिको सभापतिसमेत थिए ।