एजेन्सी । इङ्गलिश प्रिमियर लिग फुटबलमा म्यान्चेस्टर सिटीले शानदार दोस्रो जित हासिल गरेको छ । शनिबार साँझ भएको खेलमा म्यान्सिटीले स्टोक सिटीलाई ४–१ गोल अन्तरले हराउँदै लगातार दोस्रो जित हासिल गरेको हो ।
म्यान्सिटीलाई विजयी गराउन सर्जिओ अगुएरो र नोलिटोले समान दुई–दुई गोल गरे । स्टोक सिटीका बोजनले एक गोल फर्काए । यो संगै म्यन्सिटीको २ खेलबाट ६ अंक भएको छ ।
दोस्रो चरणका खेल चलिरहँदा सिटी लिगको अंक तालिकाको शीर्ष स्थानमा उक्लिएको छ । यसअघि, शीर्ष स्थानमा रहेको म्यान्चेस्टर युनाइटेड गोल अन्तरका आधारमा दोस्रो स्थानमा झरेको छ ।
उसले पनि लगातार दोसंो जित हासिल गर्दै ६ अंक जोडेको छ । शनिबार राति थप ६ खेल हुँदै छन् ।
