-
-
-
-
पोखरा । जिल्ला प्रहरी कार्यालय कास्कीले पोखराको चिप्लेढुंगाबाट आठ जना जुवाडेलाई पक्राउ गरेको छ ।
चिप्लेढुंगास्थित साननानी दोहोरी साँझभित्र जुवातास खेलिरहेको अवस्थामा उनीहरुलाई पक्राउ गरिएको कास्की प्रहरी प्रवक्ता सुन्दर तिवारीले जानकारी दिए ।
पक्राउ पर्नेमा पर्वत कुश्मा नगरपालिका वडा नं. १३ का जय परियार, पोखरा महानगरपालिका वडा नं. १५ का दीपक गुरूङ लगायत छन् ।
उनीहरुको साथबाट ८४ हजार ६५० रूपैयाँ नगद र ४ बुक तास बरामद भएको डिएसपी तिवारीले जानकारी दिए । पक्राउ परेकाहरुमाथि आवश्यक अनुसन्धान शुरु भएको डिएसपी तिवारीले बताए ।
