लण्डन । इङलिश प्रिमियर लिग फुटबलमा साविक विजेता लेस्टरसिटीले मुस्किलले एक अंक बटुलेको छ । पहिलो खेलमा नवप्रवेशी हल सिटीसंग पराजित भएको लेस्टरले दोस्रो खेलमा आर्सनलसंग घरेलु मैदानमा गोलरहित बराबरी खेलेको हो ।
हल सिटीले भने लगातार दोस्रो जित हासिल गरेको छ । दोस्रो खेलमा हलसिटीले स्वान्सी सिटीलाई उसकै मैदानमा २–० ले हरायो ।
अन्य खेलमा उपाधि दावेदार म्यानचेष्टर युनाइटेड र म्यानचेष्टर सिटीले विजयी लयलाई कायमै राखेका छन् । त्यस्तै चेल्सी, एभर्टन टोटनह्याम विजयी हुँदा लिभरपुललाई झड्का लागेको छ । चेल्सीले वाट्फोर्टलाई २–१ ले, एभर्टनले वेष्टब्रोमलाई २–१ ले र टोटनह्यामले क्रिष्टल प्यालेसलाई १–० ले हरायो ।
लिभरपुल भने बर्नलीसंग २–० ले पराजित भयो । लिगमा म्यानचेष्टरद्धय ६–६ अंकसहित शीर्ष स्थानमा रहँदा चेल्सी र हलसिटी पनि ६ अंकमै छन् ।
सन्डरल्याण्ड, बर्नमाउथ, वेष्टह्याम र क्रिष्टल प्यालेसले अंकको खाता खोलेका छैनन् ।
