नोउ क्याम्प । स्पेनिश लिग ला लिगा फुटबलमा साविक विजेता बार्सिलोनाले कमालको प्रदर्शन गरेको छ । क्याटालान्स टिमले नो क्याम्पको घरेलु मैदानमा रियल बेटिसलाई ६–२ ले हरायो ।
क्याटालान्सलाई हराउने क्रममा उरुग्वे स्टार लुइस सुवारेजले ह्याट्रिक गरे । त्यस्तै अर्जेन्टाइन स्टार लियोनल मेस्सीले दुई तथा आर्द तुरानले एक गोल गरे ।
यो जितसंगै बार्साले नयाँ सिजनमा सानदार सुरुवात गरेको छ । अर्को गोलको वर्षा भएको खेलमा सेभियाले स्पानियोललाई ६–४ ले हरायो ।
त्यस्तै डेपोर्टिभयोले आइबरलाई २–१ ले हराउँदा मालागा र ओसासुना तथा ग्रानाडा र भिल्लारियलले समान १–१ को बराबरी खेलेका छन् ।
लिग अन्तर्गत आइरतबार मध्यरात १२ बजे रियल सोसिडाडले आफ्नै मैदानमा साविक उपविजेता रियल मड्रिडसंग खेल्नेछ ।
