दुवै मृगौलाले नगरेपछि उपचार सहयोग माग्दै लिम्बु

प्रकाश धौलाकोटी, प्रकाशित मिति : २०७३ भदौ ५ आइतबार
तेह्रथुम। तेह्रथुमको फाक्चामारा–४, परेवाखोपकी २२ बर्षे ममता कुरुम्फङ लिम्बुको दुवै मृगौला फेल भएपछि उपचारमा समस्या भएको छ । 
 
उपचारको लागि उनको परिवारले सहयोगको याचना गरेको छ । आर्थिक अवस्था कमजोर भएको परिवारले बुहारी ममताको उपचारकालागि सहयोग गरिदिन आग्रह गरिरहेको छ । तीन महिना अघि धरानको विपी कोइराला स्मृति प्रतिष्ठानमा उपचारकालागि लगिएकी ममतालाई प्रतिष्ठानले दुवै मृगौलाले काम नगरेको बताएपछि परिवार चिन्तित बनेको छ । 
 
घरमा बृद्धा बुबा र आमाको साथमा दिदी सहित ४ जनाको छोरीको रुपमा माहिली बैनी ममतालाई जिबन रक्षाको लागी उनका बुबा मेघ बहादुर कुरुम्फङले सहयोगी मनहरुलाई अनुरोध गरेका छन् ।
 
माईतीको रुपमा उनका दाजुभाई कोही नरहेकी ममताले ८ महिना अगाडी मात्र तेह्रथुमको ओख्रे ७ डुम्रेमा शमिर तुम्खेवा सँग बिबाह गरेकी थिइन् । उनका श्रीमान यतिबेला ममताको उपचारका लागि घरमा गाँउघर छरछिमेकी सबैलाई हात मागिरहेका छन् । उनको उपचारकालागि करिब १० लाख रुपैयाँ लाग्ने चिकित्सकले बताएका छन् । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ