एजेन्सी । स्पेनिश क्ल फुटबल ला लिगाको नयाँ सिजन अन्तर्गत आफ्नो पहिलो खेलमा साविक उपविजेता रियाल मड्रिडले रियाल सोसिडाडसंग खेल्दैछ । खेल नेपाली समय अनुसार मध्यराति १२ बजेपछि सुरू हुनेछ ।
रियाल मड्रिडको टोलीमा मुख्य फरवार्ड रोनाल्डो भने हुने छैनन् । यद्यपि, गत सिजन लिग विजेता बार्सिलोना भन्दा १ अंकले मात्र पछि परेको रियाल मड्रिक नयाँ सिजनको सुखद सुरूवात गर्ने दाउमा छ ।
रियाल मड्रिडलाई यस सिजनको प्रमुख दावेदारको रूपमा समेत हेरिएको छ । यो पटक पनि रियाललाई जिनेदान जिदानले नै सम्हालेका छन् । गत सिजन पनि जिदानले निकै कठिन अवस्थाबाट रियाललाई लिगको दोस्रो स्थानसम्म धकेलेका थिए ।
जिदान रियाल मड्रिडका पूर्व खेलाडी समेत हुन् । उनी पछि रियालको जुनियर फुटबल टोलीको प्रशिक्षण सम्हाल्दै सिनियर टोलीको प्रशिक्षण सम्हाल्न पुगेका हुन् ।
यस्तै, सोमबार विहान हुने अर्को खेलमा एथ्लेटिको मड्रिडले अलाभेसको सामना गर्दैछ । खेल बिहान २ बजेपछि सुरू हुनेछ । गत सिजनमा तेस्रो स्थानमा आएको एथ्लेटिको पनि सिजनको सुखद सुरूवात गर्ने सुरमा छ ।
