काठमाडौं । अमेरिकी गुप्तचरका अनुसार एक प्रमुख डेमोक्र्याटिक सांसदले आइतबार राष्ट्रपति जो बाइडेनले साउदी अरेबियाको भ्रमण गर्न नहुने र त्यहाँ क्राउन प्रिन्स मोहम्मद बिन सलमानलाई भेट्न नहुने बताएका छन् ।

साउदीका राजकुमार मोहम्मद बिन सलमानले पत्रकार जमाल खशोग्गीलाई पक्राउ गर्न र हत्या गर्न अनुमोदन दिएको भन्दै उनले बाइडेनले साउदीको भ्रमण गर्न नहुने बताएका हुन् ।

साउदी मूलका अमेरिका निवासी पत्रकार खशोग्गी वाशिंगटन पोस्टमा राजकुमार सलमानको आलोचना गर्ने स्तम्भ पनि लेख्ने गर्थे । सन् २०१८ मा इस्तानबुल स्थित वाणिज्य दूतावासमा राजकुमार सलमानसँग सम्बन्धित अपरेटिभहरूले मारेर टुक्रा टुक्रा पारेका थिए।

तेल निर्यातकर्ता साउदी गएर त्यहाँका राजकुमारलाई भेट्ने कुरा जुन गत शुक्रवार बाइडेनले स्वीकार गरे पनि आफू भएको भए भने नजाने अमेरिकी सांसद एडम शिफले बताएका छन् ।

'म जाँदिन, म उनी (साउदीका राजकुमार)सँग हात मिलाउने छैन । यो त्यस्तो व्यक्ति हो जसले एक अमेरिकी बासिन्दाको हत्या गर्‍यो, सबैभन्दा भयानक र पूर्वनियोजित तरीकाले उसलाई टुक्रा टुक्रा पार्‍यो,' प्रतिनिधिसभाको खुफिया समितिको अध्यक्ष समेत रहेका शिफले सीबीएसको, 'फेस द नेसन' कार्यक्रममा बोल्दै भनेका छन् ।

साउदी अरेबियाले हत्यामा क्राउन प्रिन्सको कुनै संलग्नतालाई अस्वीकार गरेको छ । फेब्रुअरी २०२१ को अमेरिकी गुप्तचरको रिपोर्टले टर्कीको इस्तानबुलमा खशोग्गीलाई पक्राउन गर्न र उनको हत्या गर्ने अपरेशनलाई साउदीका राजकुमार सलमानले अनुमोदन गरेका थिए ।

'जबसम्म साउदी अरेबियाले मानवअधिकारको सन्दर्भमा आमूल परिवर्तन गर्दैन, म उनीसँग केही गर्न चाहन्न' शिफले एमबीएस समेत भनिने राजकुमारको विषयमा बोल्दै भने ।

नोमेम्बरको मध्यवर्ती संसदीय चुनावअघि अमेरिकामा बढेको तेलको मूल्य घटाउन बाइडेन साउदीको भ्रमणमा गएर तेलको उत्पादन बढाउन माग गर्ने तर्कलाई पनि उनले असमर्थन गरेका छन् ।

आफूले तेलको मूल्यमा साउदीको प्रभाव बुझेको भन्दै शिफले भने कि उनले संयुक्त राज्य अमेरिकाको लागि तेलबाट छुटकारा पाउनको लागि 'एक बाध्यकारी तर्क को रूपमा हेरेका थिए' त्यसैले हामीसँग गोली चलाउने तानाशाह र हत्याराहरू छैनन्।'