कोलम्बो । पहिलो खेलमा शानदार जित निकालेको अष्ट्रेलियाले दोस्रो एक दिवसीय खेलमा भने श्रीलंकालाई ८२ रनको जित सुम्पेको छ ।
कोलम्बोमा बुधबार राति भएको खेलमा २८९ रनको चुनौती पछ्याएको अष्ट्रेलिया २०६ रनमै अलआउट भयो ।
म्याथ्यु वादेले ७६ रन बनाएको इनिङलाई सस्तैमा समेट्न अमिला अपेन्सोले १८ रन खर्चेर ४ विकेट झारे ।
यसअघि श्रीलंकाले अलराउण्डर कप्तान एन्जेलो म्याथ्युजको ५७ रनको मद्धतले २८८ रन बनाएको थियो । म्यान अफ द म्याच म्याथ्युजले २ विकेटसमेत लिए ।
यो खेल जितेसंगै श्रीलंकाले घरेलु मैदानमा पाँच खेलको श्रृंखलामा १–१ को बराबरी गरेको छ ।
यअसघि टेष्ट श्रृंखलामा श्रीलंकाले ३–० ले ह्वाइटवास गरेको थियो ।
